Railway police

रेल्वे पोलीस आहेत की गुंड! प्रवाशाला ट्रेनमधून मानेला पकडून नेलं ओढत; नेमकं घडलं तरी काय? पाहा धक्कादायक VIDEO

by

Railway police सोशल मीडियावर भारतीय रेल्वेसंदर्भात अनेक व्हिडीओ व्हायरल होत असतात. जे अनेकदा चर्चेचा विषय ठरतात. सध्या भारतीय रेल्वेमधील असाच एक व्हिडीओ वेगाने व्हायरल होत आहे; ज्यात रेल्वे पोलीस एका प्रवाशाला जबरदस्तीने पकडून मारहाण करीत ओढत नेत असल्याचे दिसत आहे. ट्रेनमधील एसी बंद असल्याची तक्रार त्याने रेल्वेकडे केली होती. पण, त्यावर काहीच कारवाई न झाल्याने प्रवाशाने ट्रेनची साखळी ओढली आणि ट्रेन थांबवली. या प्रकारामुळे व्हिडीओनुसार रेल्वे पोलिसांनी संताप व्यक्त करीत प्रवाश्याला मारहाण करत बाहेर काढल्याचे सांगितले जाते आहे.

वायरल झालेला व्हिडिओ पाहण्यासाठी

येथे क्लिक करा

ट्रेनची साखळी ओढल्याने पोलिसांकडून मारहाण
हा व्हिडीओ लखनौमधील असल्याचे सांगितले जात आहे. व्हायरल झालेल्या व्हिडीओमध्ये तुम्ही पाहू शकता की, एक व्यक्ती मोठ्याने ओरडतेय की, ही उघडपणे गुंडगिरी आहे. त्याने एसी काम करीत नसल्याची तक्रार करताच संपूर्ण रेल्वे विभागाने त्याच्यावर हल्ला करण्यासाठी आला, त्यानंतर ‘जागो पब्लिक जागो’ असं म्हणत ती व्यक्ती अखिलेश यादव यांचा नावाने नारेबाजी करु लागली. यावेळी काही पोलीस सीटवर बसलेल्या एका व्यक्तीला जबरदस्तीने पकडून ओढत नेत, ट्रेनमधून बाहेर ढकलताना दिसत आहेत. तक्रार करूनही कोणतीही पावलं न उचलली गेल्याने त्या प्रवाश्याने साखळी ओढल्याचे मत इतर प्रवासी व्यक्त करत आहेत.

व्हिडीओमध्ये पुढे काही प्रवासी टीटीबरोबर वाद घालतानाही दिसत आहेत, जिथे काही लोक टीटीला विचारताना दिसत आहेत की, तुम्ही संपूर्ण प्रकरण तक्रार वहीत का लिहिले नाही. तक्रार करूनही तोडगा न निघाल्याने प्रवाशाने रेल्वेस्थानकातच ट्रेनची चेन ओढली. टीटी सर, तुमच्यात माणुसकी नाही, तुम्हाला वाचवण्यासाठी त्याने असे केले, तुम्ही हे ध्यानात घ्यायला हवे होते.

 

Leave a Comment